الخلع وقائمة المنقولات

( علاقة الخلع بقائمة المنقولات )

في ناس كتير فاهمه انه في الخلع الزوجه بتتنازل عن قائمه منقولاتهاوطبعا الإعتقاد دا خاطئ لانه حتى مع وجود الخلع الزوجه تحتفظ بقائمه منقولات كامله

احنا قلنا قبل كده انه في الخلع الزوجه بتتنازل عن
( نفقه المتعه والعده ومؤخر الصداق فقط ) و بتاخد قائمه منقولاتها وكمان بتحافظ على كافه الحقوق الخاصه باطفالها زي نفقه الاطفال الشهريه مصاريف التعليم ومصاريف العلاج و الفرش والغطاء وشقه الزوجيه هنتكلم عن الطريقة القانونية لاسترداد المنقولات الزوجية

الزوجة بتحرر محضرفي قسم الشرطه التابع ليه مكان سكنها وبتطلب في المحضر رد منقولات الزوجيه الى الزوج استولى عليها وبعد كده المحضر بيروح للنيابه العامه وبعدين للمحكمه اللي هتصدر حكم بالحبس على الزوج لو ما استلمتش قائمه المنقولات

وفي طريق تاني للزوجه تقدر تاخد به قائمه منقولاتها لو هي مش حابه موضوع حبس الزوج ودا بيكون عن طريق محكمه الاسره الزوجه وودا بيتم عن طريق رفع دعوى قضائيه اثبات المنقولات الزوجيه امام محكمه الاسره وغالبا هتحكم للزوجه برد المنقولات او رد قيمتها

طريق الجنح اسرع وفيه عقوبه الحبس وده بيكون كأداه قوية لتهديد الزوج بتجبره برد منقولات الزوجيه أوهيتعرض للحبس.

طريق محكمه الاسره بيكون بطيئ شويه و ما بيكونش في حبس للزوج الحكم يطلع بتسليم المنقولات اورد قميتها وحضرتك اللي بتختاري اي طريق وانت اللي بتعرفي وانت اللي تقرري انه طريق احسن لحضرتك